Suspiru, mentri taliu
da linia ca ‘nghiutti u celu
dintra u mari, pensu
a quannu picciridda
mi tinevi stritta pi la manu…
Mi sinteva na principissa
riparata da li mali di la vita,
ma criscennu chi m’arresta
di
sta esistenza amara chi nun è chiù la stissa…
Ora sti occhi di picciridda ca
si facevanu miravigghia , sunnu
chini di ummiri e fantasmi…
Comu perli d’argentu
scinninu i lacrimi vasannu
gintili na vucca ca chiù un ridi…
Ora caru Patri ,
ti taliu cu l’occhi di la mimoria
assittatu na da panca
di dura petra bianca…
Sulu e stancu, mentri
rispiru dopu rispiru
saluti li to anni…
Distanti chi to pinseri,
sbarrasti u cori
e nun ti ricordi chù
di re, principissi e cavalieri…
Ora ca sugnu io a
stenniri la manu
nun la viri e ‘ndifferenti
dintra a barca di un munnu
stranu, navighi luntanu…
Versu da linia d’orizzonti
Unni u celu dintra u mari ‘nghiutti sogni e sintimenti …
